ஈரானுக்கு வடக்கேயும், ஓமனுக்கு தெற்கேயும் அமைந்திருக்கிறது ஹார்முஸ் நீர்சந்தி.
ஆனால், இந்த நீர்சந்தியில் தற்போது ஈரானின் கை ஓங்கியிருப்பதால் தான், ஹார்முஸ் நீர்சந்தியை முழுவதுமாக மூடியிருக்கிறது ஈரான்.
தாக்குதல்களால் ஏற்பட்ட நஷ்டத்தை ஈடு செய்ய ஹார்முஸ் நீர்சந்தியில் பயணிக்கும் கப்பல்களிடம் இருந்து சுங்க வரி வசூலித்துக் கொள்கிறோம் என்று ஈரான் சொன்னது.
அந்தச் சுங்க வரியை ஓமானுடனும் பங்கிட்டுக் கொள்கிறோம் என்றும் கூறியுள்ளது ஈரான்.
ஒருவேளை, போர் நிறுத்தத்திற்குப் பிறகு, ஈரானுடன் ஓமனும் குறுகிய காலத்திற்கு ஹார்முஸ் நீர்சந்தியைக் கட்டுப்படுத்த ஒப்பந்தம் போட்டால், அதை நீங்கள் ஒத்துக்கொள்வீர்களா? அவர்கள் உடனே ஹார்முஸ் நீர்சந்தியைத் திறக்க வேண்டுமா அல்லது சிறிது காலம் அவர்களுக்குக் கொடுக்கப்படுமா? என்கிற கேள்விகள் அமெரிக்க அதிபர் ட்ரம்பிடம் நேற்று வெள்ளை மாளிகையில் கேட்கப்பட்டன.
"அந்த நீர்ச்சந்தி எல்லாருக்குமே திறந்துதான் இருக்கப் போகிறது. அதை யார் கட்டுப்பாட்டில் வைத்திருப்பார்கள் என்று கேட்கிறீர்களா? அது சர்வதேசக் கடல் பகுதி. அதை யாரும் தங்களது கட்டுப்பாட்டில் வைத்திருக்க முடியாது.
நாங்கள் அதை மேலிருந்து கண்காணிப்போம். அவ்வளவுதான். ஆனால் யாரும் அதை ஆக்கிரமித்துக் கட்டுப்படுத்த முடியாது. அதுதான் நம்முடைய பேச்சுவார்த்தையின் ஒரு பகுதியே. அவர்களுக்கு அதைக் கட்டுப்பாட்டில் எடுக்க ஆசைதான். ஆனால் யாரும் அதைச் செய்ய முடியாது. அது பொதுவான சர்வதேசக் கடல் பகுதி.
அதேபோல ஓமனும் மற்ற எல்லாரையும் போல ஒழுங்காக நடந்து கொள்ள வேண்டும். இல்லையென்றால் நாம் அவர்களைத் துவம்சம் செய்ய வேண்டியிருக்கும். இது அவர்களுக்கும் நன்றாகத் தெரியும். அதனால் அவர்கள் நல்லபடியாக நடந்து கொள்வார்கள்". என பதில் அளித்திருக்கிறார்.
0 comments:
Post a Comment